Xherdan Shaqiri kishte një ndikim të menjëhershëm në ndeshjen mbrëmjen e sotme (e shtunë) ndërmjet Liverpoolit dhe Carddiff-it.

Ylli kosovar startoi takimin si nikoqir në Anfield nga bankina, por u inkuadrua në fushë derisa pas një ore lojë dhe ndikimi i tij në fitoren e thellë 4 me 1 ishte i menjëhershëm, shkruan portali arbresh.info.

Lexo edhe: Nora Gjakova fiton medaljen e artë në xhudo Grand Slam

Edhe pse mysafirët arritën të ngushtojnë shifrat për 2 me 1 pas golave nga Mohamed Salah (10’) dhe Sadio Mane (66’) si pasojë e një shpërqendrimi në mbrojtje nga “Redsat”, djelmoshat nën udhëheqjen e trajnerit Jurgen Klopp arritën më pas të realizonin dy gola të shpejta.

27-vjeçari nga Gjilani trullosi tre mbrojtës të skuadrës mysafire me lëvizjet e tij para se të mposhtë edhe portierin Etheridge në minutën e 84′ të ndeshjes për të hapur llogarinë e tij në Liverpool.

Lexo edhe: Liverpooli në krye të tabelës, Xherdan Shaqiri me gol të bukur

Superylli Mohamed Salah, i cili realizoi golin e epërsisë për “Redsat” në minutat e parë të takimit, asistoi në golin e parë të kosovarit te skuadra e tij e re.

PFA Lojtari më i Mirë i sezonit të kaluar asistoi edhe në golin e dytë personal të shënuar vetëm tre minuta më vonë nga Sadio Mane.

Brenda të gjitha paraqitjeve për gjigantin anglez që nga transferimi i tij gjatë verës për 13 milionë funta nga Stoke City, mesfushori kosovar ka krijuar tri asistime (dy në Premierë Ligë, një në Ligë të Kampionëve)./arbresh.info/

Shikoni më poshtë golin e tij: