Eric Cantona ka goditur Jose Mourinhon duke e akuzuar atë për shkatërrimin e Manchester United.

Legjenda e United, Cantona thekson se klubi i tij i vjetër është shuar dhe se Mourinho është personi jo i duhur për atë pozitë, transmeton portali arbresh.info.

Cantona beson se skuadra e Mourinhos është duke e bërë atë që të vuaj dhe se gjenerata e ardhshme e yjeve tani do të shikojnë te rivali i madh – Manchester City për inspirim.

United aktualisht qëndron në pozitën e dhjetë në tabelën e Premierë Ligës dhe ka humbur gjithashtu këtë javë në shtëpi kundër Juventusit në takimin e zhvilluar në kuadër të UEFA Ligës së Kampionëve.

Ylli francez, i cili ishte duke iu adresuar tifozëve, ka thënë:

“Është mënyra se si luani. Ju mund të humbni ndeshjet, por ju duhet të rrezikoni”

“Ju humbi kundër Juventusit dhe ata kanë 70 për qind të posedimit të topit në Old Trafford”

“Mund ta imagjinoni këtë me Fergusonin në bankinë? Unë po vuaj”

“Dhe po vuaj edhe më shumë kur shoh Manchester Cityn duke luajtur mrekullueshëm”

“Por, unë mendoj se djelmoshat duhet të kenë një shembull. Ata kanë nevojë për lojtarë të mëdhenj, lëvizje të mëdha, futboll kreativ për të identifikuar vetën ndaj një lojtari ose skuadre”

“Dhe mendoj se ata [United] janë duke humbur një gjeneratë të lojtarëve të rinj. Këta lojtarë e identifikojnë vetën e tyre me mënyrën si luan City. A mund ta pranojmë ne këtë? Jo”

“Nuk është njeriu i duhur për gruan e duhur”

52-vjeçari, i cili ka fituar katër tituj në Premierë Ligë dhe dy FA Kupa gjatë pesë sezoneve në Old Trafford, do të dëshironte që një ish yll i United të bëhet trajner./arbresh.info/