Google ADS

Kryetari i Mitrovicës dënon sulmin ndaj taksistit shqiptar në veri

14:34 | 25 Tetor 2018
M. A.

Kryetari i Mitrovicës, Agim Bahtiri, shpreh shqetësim të thellë ndaj sulmit fizik ndaj një taksisti shqiptar që ka ndodhur në veri të Mitrovicës.

Ai tha se incidentet e fundit, rasti i atakimit të një shtëpie shqiptare në Lagjen e Doktorëve dhe sulmi ndaj taksistit janë tejet shqetësuese dhe të pa pranueshme dhe kanë për qëllim tensionimin e situatës dhe përkeqësimin e marrëdhënieve ndëretnike dhe ndërnjerëzore, gjë të cilën qytetarët e Mitrovicës, pa marrë parasysh përkatësinë etnike, nuk e pranojnë.

I pari i Mitrovicës ka kërkuar angazhimin e deritashëm për shtensionimin e plotë të gjendjes dhe për kultivimin e raporteve të mira ndëretnike, si dhe përmirësimin e mëtutjeshëm të bashkëpunimit dhe komunikimit të ndërsjelltë.

Ndërsa, nga organet e hetuesisë kërkon veprim më energjik në zbullimin e shkaktarëve të incidenteve dhe sjelljen e tyre para organeve të drejtësisë për të marrë dënimin e merituar.

 

Shpërndaje në rrjete sociale

Lajmet më të lexuara

Të ngjashme

Foto lajm