Sot në Parlament është dorëzuar projektligji i posaçëm i qeverisë për një regjim të posacëm për të dënuarit e sigurisë së lartë. Në projekt-ligj parashikohen masa izoluese për këta të dënuar. Ndër këto masa janë:

-Kufizimi i orarit të ajrimit në vetëm 1 orë në ditë.

-Të dënuarve do t’i lejohet vetëm një telefonatë në muaj.

-Takimet me familjarët do të regjistrohen me audio dhe video dhe vetëm 1 herë në muaj.

-Do të ndalohet përdorimi i vlerave monetare që vijnë nga jashtë vendit.

-Të burgosurit do të kenë mundësi të ankimohen për këto masa sic parashikohet në ligj.

-Ministri i Drejtësisë është i vetmi që mund ta ndryshojë këtë regjim izolues, por pas 1 viti duke rivlerësuar sjelljen e të dënuarit.

Pas depozitimit projektligji do të kalojë në komisione më pas në Kuvend për t’u votuar. Nisma e qeveria ka për qëllim izolimin e të burgosurve, elementë të caktuar me rrezikshmëri të lartë rezulton se drejtojnë aktivitetin nga qelia. Nisma ligjore bazohet në modelin italian, e njohur me emrin “41-bis”. Të dënuarit apo të dyshuarit për krim të organizuar, mafia apo terrorizëm nuk do të kenë më asnjë kontakt me njerëz të brendshëm apo të jashtëm.