Një fermer në fshatin Rajpur të Indisë prej 40 vjetësh jeton nudo për shkak të alergjisë që i shkaktojnë rrobat. Subal Barman del në fshat krejt lakuriq dhe thotë se veshja e rrobave i shkakton dhimbje të mëdha në trup.

Fermeri kurrë nuk e ka trajtuar alergjinë e tij, duke thënë se medikamentet janë shumë të shtrenjta. “Që kur isha fëmijë nuk mund të vishja rroba. Më japin një ndjesi sikur po digjem dhe është e tmerrshme”, thotë fermeri.

Fillimisht për fqinjët dalja e tij lakuriq ka qenë diçka e vështirë, por më pas ata janë mësuar me këtë ide dhe u duket krejt normale. Në dimër Subal Barman e ka pak të vështirë prej të ftohtit, por ai shmang daljet nga banesa sa më shumë që të jetë e mundur.

Barman nuk është martuar kurrë në jetën e tij sepse asnjë prind nuk do të donte që të martonte vajzën me një person që rri gjatë gjithë kohës lakuriq.

Ai thotë se e ka pranuar fatin e tij dhe e kalon kohën duke u marrë me fermën. I vetmi shqetësim për fermerin është fakti se nuk mund të dalë dot nga fshati.