Shefi i NATO-s nuk parasheh vendosje të reja të armëve bërthamore në Evropë

12:54 | 24 Tetor 2018
Arbresh.info
Sekretari i pëgjithshëm i NATO-s, Jens Stoltenberg, tha se anëtarët evropianë të aleancës nuk kanë gjasa të vendosin armë të reja bërthamore në tokat e tyre.

Komentet e tij vijnë katër ditë pasi presidenti amerikan, Donald Trump, paralajmëroi se SHBA-ja do të tërhiqet nga Traktati i Forcave Bërthamore me Rreze të Mesme Veprimi duke thënë se ai po shkelet nga Moska.

Stoltenberg tha se NATO po i vlerëson implikimet në siguri të shkeljes së dyshuar ruse.

“Nuk parashikoj që aleatët evropianë të shpërndajnë më shumë armë bërthamore si përgjigje”, tha Stoltenberg në një konferencë shtypi, transmeton rel.

Traktati i vitit 1987 i ndalon Shtetet e Bashkuara dhe Rusinë që të posedojnë, prodhojnë ose shpërndajnë raketa balistike me rreze të mesme veprimi.

Me këtë traktat, Bashkimi Sovjetik dhe Shtetet e Bashkuara kanë eliminuat rreth 2,700 raketa.

Trump tha më 20 tetor se SHBA do të tërhiqet nga traktati.

Shpërndaje në rrjete sociale

Lajmet më të lexuara

Të ngjashme

Foto lajm