Cristiano Ronaldo shfaqi se ka ende në zemër “Djajtë e Kuq” për shkak se bëri një gjest me anë të së cilit tregoi klasin në Manchester United ku tifozët po brohorisnin emrin e tij derisa lojtari po largohej nga fusha mbrëmjen e sotme (e martë).

Superylli portugez u rikthye në Old Trafford me klubin e tij të ri – Juventusin duke i ndihmuar skuadrës italiane të siguroj fitore me rezultat minimal 1 me 0 pas golit në pjesën e parë të shënuar nga Paulo Dybala, transmeton portali arbresh.info.

Ronaldo ishte vendimtar në golin e epërsisë duke dërguar topin në zonën e rreptësisë nga krahu i majtë për Dybalan dhe dukej pak si i turpshëm kur topi goditi rrjetën pasi paraprakisht kishte thënë se nuk do të festonte nëse shënon.

United tentoi t’i përgjigjej më vonë gjatë ndeshje përmes Paul Pogbas që goditi shtyllën nga distanca, por Juventusi u mbrojt mjaftë mirë duke ruajtur epërsinë.

Kur u dëgjua fishkëllima me fundit, Ronaldo uroi bashkëlojtarët e tij dhe ngushëlloi lojtarët e United duke u siguruar në fund që të ishte lojtari i fundit nga secila skuadër që të largohet nga fusha, transmeton portali arbresh.info.

Kur ai përfundimisht iu afrua tunelit, tifozët e United brohoritën “Viva Ronaldo” te lojtari që ka fituar tre tituj në Premierë Ligë, një trofe në UEFA Ligë të Kampionëve dhe çmimin Topi i Artë gjatë kohës së tij në Manchester.

https://twitter.com/btsportfootball/status/1054839873880887298

Ronaldo dukej i prekur nga gjesti dhe përshëndeti ata me një gjest duke prekur trupin e tij, pra duke vendosur dorën në zemrën e tij si dhe duke i duartrokitur tifozët.

Rezultati i ndeshjes bëri që Juventusi të kalojë në krye të tabelës në Grupin H me pesë pikë më shumë se Manchester United para ndeshjes tjetër në Torino mes tyre.

Fatmirësisht për “Djajtë e Kuq”, Valencia arriti të siguroj vetëm barazim në takimin si mysafirë ndaj Young Boys, gjë që do të thotë se United vazhdon në pozitën e dytë dhe ende me shpresa për kualifikim tutje në fazat eliminuese të UEFA Ligës së Kampionëve./arbresh.info/