Google ADS

Arrest shtëpiak për të dyshuarit për import dhe transport të armëve

19:19 | 23 Tetor 2018
V. S.

Gjykata e Prishtinës ka shqiptuar masën e arrestit shtëpiak ndaj të dyshuarve S. Vllahiu, R. Vllahiu, S. Shalaj, E. Shala dhe H. Amerllahu për veprën penale – importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo materieve plasëse.

Kështu, Gjykata ka refuzuar kërkesën e Prokurorisë për caktimin e masës së paraburgimit.

Prokuroria Themelore në Prishtinë kishte kërkuar që ndaj tyre të caktohej masa e paraburgimit nën dyshimet se ekziston rreziku i përsëritjes së veprës penale, i ndikimit në dëshmitarë dhe rreziku i ikjes të të pandehurve në mënyrë që t’i shmangen organeve të drejtësisë.

Mirëpo, kërkesa e tillë u refuzua pasi që Gjykata pas mbajtjes së seancës dëgjimore dhe dëgjimit të të gjitha propozimeve ka vlerësuar se masa e arrestit shtëpiak është masë e mjaftueshme në mënyrë që të sigurohet prania e tyre në këtë çështje penalo-juridike.

Shpërndaje në rrjete sociale

Lajmet më të lexuara

Të ngjashme

Foto lajm