Trajneri i Barcelonës, Ernesto Valverde pranon se “një lojtar nuk mund ta zëvendësojë Lionel Messin” duke paralajmëruar gjithashtu Interi nuk “dorëzohet asnjëherë”.

Gjiganti katalunas do të mirëpres “Nerazzurrët” në Camp Nou nesër për ndeshjen mes tyre në kuadër të Ligës së Kampionëve derisa të dy skuadrat kanë siguruar pikë maksimale nga dy ndeshjet e mëparshme, transmeton portali arbresh.info.

“Ne jemi duke pritur një kundërshtar që është në periudhën e tyre më të mirë të sezonit”, ka thënë fillimisht në konferencën për shtyp para ndeshjes.

“Ata kanë fituar shtatë ndeshje radhazi dhe ata nuk dorëzohen asnjëherë, ata kanë fituar shumë ndeshje në minutat e fundit”

“Do të jetë një sfidë e mirë me tri pikë të rëndësishme, pikë që do të jenë të nevojshme për të kaluar përpara drejtë kualifikimit në raundin tjetër”

“Ne kemi shtatë pikë, ashtu si Interi, por ne do të luajmë në shtëpi dhe ne dëshirojmë që ky avantazh të numërohet. Ne duam ta fitojmë këtë ndeshje shumë të rëndësishme.

Lionel Messi, padyshim njëri nga lojtarët më të mirë në botë, do të mungojë në këtë ndeshje për shkak se ka thyer dorën e tij në vikend, transmeton portali arbresh.info.

“Është e qartë që mungesa e tij do ndikoj tek ne, por gjithashtu do të jetë një sfidë për ne, për të parë nëse ne mund të fitojmë madje edhe pa të në javët e ardhshme ku kemi disa ndeshje vërtetë të vështira”

“Ne mund të ndryshojmë sistemin tonë, por jo edhe stilin. Ne kemi shumë opsione, por unë nuk dua t’i jap trajnerit të Interit diçka për të kuptuar nga kjo”

“Një lojtar i vetëm nuk mund ta zëvendësoj Leon, do të jetë një përgjegjësi kolektive”

“Messi do të luante në çfarëdo skuadre në botë, prandaj është plotësisht normale që ne varemi tek ai. Tani, ne vetëm duhet të sigurohemi që mungesa e tij ndihet pasi titulli është i mundshëm”

“Doktorët kanë thënë se do të mungoj tri javë, por unë shpresoj që ne mund ta reduktojmë këtë kohë. Nuk është një problem muskulor, prandaj unë nuk mendoj se kjo mund të reduktohet aq”

Ndeshja mes Barcelonës dhe Interit zhvillohet të mërkurën duke filluar nga ora 21:00./arbresh.info/