Studentët e një universiteti skocez festojnë të mbuluar me shkumë, pa e ditur arsyen e formës së festës

10:41 | 23 Tetor 2018
Arbresh.info

Asnjë prej studentëve të Universitetit St Andrews në Skoci, nuk e di pse festuan të mbuluar me shkumë – por, ata e kanë bërë dhe u kënaqën shumë.

Kjo formë e festimit, që shënon ditën e fillimit të studimeve në universitetin që është ndër më të vjetrit në Britaninë e Madhe, është shumë e lashtë dhe nuk dihet tamam kur ka filluar, transmeton Telegrafi.

Sipas disa hulumtuesve, këtë e kanë bërë fillimisht prindërit, që i lyen fëmijët me shkumë, pasi t’i kenë veshur me kostume të ndryshme. Pjesërisht, fillim i festimeve të Halloween.

“Çfarë po ndodhë, pse po festojmë kështu, janë pyetje të shpeshta, që askush nuk e di përgjigjen”, ka thënë një studente, para se të shtonte se ka bërë shumë qejf.

St Andrews është themeluar më 1413 dhe është universiteti më i vjetër në Skoci, teksa festa e veçantë e studentëve filloristë është shënuar edhe sivjet. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm