Google ADS

Mjekët japin alarmin: Mjaft i lidhët foshnjat!

08:46 | 23 Tetor 2018
Arbresh.info

Lidhja e fëmijëve për t’i qetësuar para se të flenë mund të ketë pasoja të rënda, paralajmërojnë mjekët.

Sipas disa mjekëve australianë, teknika e mbështjelljes së gjymtyrëve të foshnjave me batanije është e dëmshme për ta, pasi mund të shkaktojë probleme me legenin dhe mund të lindë nevoja për t’u operuar. Metoda e lidhjes së bebeve përdoret shpesh për t’i qetësuar ato dhe për të parandaluar sindromën e vdekjes së papritur, megjithatë, një studim i publikuar tek një gazetë australiane thotë se kjo metodë mund të pengojë zhvillimin e gjymtyrëve të fëmijëve.

Foshnjat që kanë thyerje në legen gjithashtu nuk mund të diagnostifikohen derisa të rriten. “Në komunitetin e mjekëve ortopedë të Amerikës së Veriut, Britanisë së Madhe dhe Australisë, lidhja e bebeve është një shqetësim në rritje. Ajo mund të çojë në zhvillimin e displazisë së legenit”, shkruhet në studim.
Fëmijët duhet t’i lëvizin këmbët lirshëm dhe t’i përkulin ato në pozicionin e bretkosës, thonë mjekët.

Shpërndaje në rrjete sociale

Lajmet më të lexuara

Të ngjashme

Foto lajm