Isco ka folur së fundmi për largimin e superyllit Cristiano Ronaldo nga Real Madridi.

Edhe pse një numër i madh i njerëzve lidhin formën e dobët të Real Madridit këtë sezon me largimin e Cristiano Ronaldos nga klubi, Isco mendon se nuk ekziston ndonjë arsye për tu shqetësuar, transmeton portali arbresh.info.

Ai ka thënë që nëse dikush nuk dëshiron të jetë në klub, nuk kemi përse t’i mbajmë ata.

“Njerëzit kanë folur rreth kësaj gjatë gjithë sezonit”, ka thënë fillimisht Isco për ‘Standard Sport’.

“Ne nuk mund të flasim për dikë që nuk është këtu. Më mungon Gareth Bale dhe Dani Carvajal kur ata nuk janë këtu me ne. Këtu kemi shumë zgjedhje që na mundësojnë të shënojmë gola”

“Ne nuk mund të vuajmë për dikë që nuk ka dashur të jetë këtu”

Real Madridi me trajner të ri?

Real Madridi është duke kaluar në një periudhë shumë të keqe dhe tashmë kanë nisur thashethemet për një ndryshim menaxherial në skuadër.

Ka mundësi që trajneri Julen Lopetegui të mos mbijetojë as deri në El Clasicon e parë të këtij sezoni, transmeton portali arbresh.info.

E vetmja gjë në të cilën ata mund ta cilësojnë vetën si me fat është lëndimi i superyllit Lionel Messi.

Kjo mund t’i përmirësojë dukshëm gjërat, por sigurisht se duhet të kemi parasysh se edhe Real Madridi është në mungesë të Cristiano Ronaldos.

Kjo ndeshje besohet se mund t’i shpëtojë ose të lë pa punën trajnerin Julen Lopetegui.

Shumë emra janë përmendur deri tani, përfshirë Antonio Conten dhe madje edhe Jose Mourinhon.

Megjithatë, Mourinho ka hedhur poshtë plotësisht këto sugjerime./arbresh.info/