Jose Mourinho mund të zëvendësuar në Manchester United nga Rafa Benitez.

Kështu pretendon ish ylli i Anglisë, Chris Waddle, i cili mendon se trajneri i Newcastles duhet të konsiderohet për karrigen e nxehtë në rast se trajneri portugez shkarkohet, transmeton portali arbresh.info.

Mourinho është nën presion pas disa rezultateve të dobëta që kanë bërë që Manchester United të jetë në pozitën e tetë në Premierë Ligë. Trajneri portugez madje ka qenë i përfshirë në një zënkë publike me fituesin e Kampionatit Botëror – mesfushorin Paul Pogba.

Waddle beson se Benitez do të ishte një kandidat me shanse për të pasur sukses si një zëvendësues i Mourinhos në Old Trafford.

“Unë mendoj se Rafa Benitez mund të jetë një kandidatë për të zëvendësuar Jose Mourinhon në Manchester United”, ka thënë ai për ‘Sportingbet’.

“Ai padyshim është i mirë mjaftueshëm dhe ka një eksperiencë të madhe me klube pasi ka fituar trofe rreth Evropës”

“Manchester United mund të mos konsideroj atë për shkak të historisë në Liverpool, por këtu nuk ka dyshim në mendjen time që ai do të ishte një përzgjedhje e mirë”

Waddle mendon gjithashtu se Benitez nuk mund të fajësohet në rast se largohet nga Newcastle.

“Të gjithë në klub, nga lojtarët deri te tifozët e duan Rafa Benitezin dhe dëshirojnë që ai të qëndrojë sa më gjatë që është e mundur. Unë nuk mendoj se dikush mund të fajësohet nëse largohet në këtë gjendje”

Manchester United do të përballet nesër (e shtunë) kundër Chelseat në kuadër të Premierë Ligës.

Kurse skuadra e Rafa Benitezit, Newcastle do të përballet me Brightonin pasdite derisa vazhdojnë të jenë në kërkim të fitores së parë këtë sezon./arbresh.info/