Banesa e dëshmorit në Prishtinë i jepet familjes në nevojë

10:33 | 19 Tetor 2018
Arbresh.info

Komuna e Prishtinës banesën e ndarë për familjen e dëshmorit Isa Kastrati, ia ka dorëzuar sot familjes Hasimi, në gjendje të rëndë sociale.

Në komunikatën për media, Komuna e Prishtinës ka njoftuar se në listën e kategorive të dala nga lufta për të cilat ishte ndarë vjet më parë nga një banesë, ishte edhe familja e dëshmorit Isa Kastrati, babai i kryetarit të Kamenicës, Qëndron Kastratit.

“I biri i tij, kryetari i sotëm i Kamenicës, Qëndron Kastrati, pasi që u zgjodh në post publik e liroi banesën me kërkesë që ajo t’i ndahet ndonjë familjeje tjetër qoftë nga kategoritë e dala nga lufta, qoftë nga rastet sociale”, thuhet në njoftim.

“Çelësat e asaj banese sot i ka Milazim Hasimi, i cili ishte i pari në listën e pritjes nga familjet me gjendje të rëndë sociale, për të siguruar strehim në një banesë të tillë”, thuhet në njoftim.

Shpërndaje në rrjete sociale

Lajmet më të lexuara

Të ngjashme

Foto lajm