Google ADS

Kremlini synon të jetë nikoqir i Kimit në Rusi

18:12 | 16 Tetor 2018
Arbresh.info
Kremlini ka thënë se është duke diskutuar një vizitë të mundshme të liderit verikorean, Kim Jong Un këtë vit në Rusi, transmeton AP.

Yuri Ushakov, këshilltar për Çështje të Jashtme i presidentit rus, Vladimir Putin, ka thënë se Moska dhe Phenjani janë duke diskutuar kohën dhe vendin e vizitës, pavarësisht pse nuk është arritur ndonjë marrëveshje.

Deklaratat e Ushakov kanë ardhur pasi përfaqësuesi i lartë i administratës së Trumpit për Korenë Veriore, Stephen Biegun, është takuar të martën me një zyrtar të lartë rus në Moskë.

Biegun dhe diplomati rus janë pajtuar që të rrisin përpjekjet diplomatike për të zgjidhur mosmarrëveshjet bërthamore me Korenë Veriore, ka njoftuar ministria e Jashtme ruse.

Biegun ka udhëtuar këtë muaj me Sekretarin amerikan të Shtetit, Mike Pompeo në Phenjan për të nisur përgatitjet për samitin e dytë në mes të presidentit amerikan, Donald Trump dhe Kimit, data e mbajtjes të së cilit nuk është caktuar ende.

Shpërndaje në rrjete sociale

Lajmet më të lexuara

Të ngjashme

Foto lajm