Ministri i Jashtëm serb, Ivica Daçiq thotë se nuk e di nëse është e saktë informata se SHBA-ta kanë ndërprerë komunikimin me Ministrin e Mbrojtjes të Kosovës.
Daçiq, sipas mediave serbe, ka thënë se lidhur me këtë çështje ka mësuar nga media, por përkujton se Administrata amerikane nuk e sheh Kosovën si ‘një foshnjë të vetën’, por po përpiqet të jetë objektive.
“Mendoj se kjo është e mirë. Në përgjithësi, politika e jashtme dhe e brendshme e Kosovës janë në një defansivë të madhe. Nuk janë më një foshnjë e Perëndimit, por një problem. Ata janë pengesë për zgjidhje paqësore në Kosovë”, ka thënë Daçiq, përcjell Telegrafi.
Ai thotë se, nga ana tjetër, pozita e Serbisë po bëhet gjithnjë më e fortë.
“Njerëzit kanë një mirëkuptim për argumentet tona. Ne vazhdojmë politikën e tërheqjes së njohjeve (pavarësisë së e Kosovës)”, tha Daçiq.
Një gazetë kosovare të shtunën ka raportuar se Administrata amerikane, përfshirë Ambasadën në Prishtinë dhe komponentin ushtarak, e ka shkëputur bashkëpunimin dhe komunikimin me ministrin Rrustem Berisha dhe me zëvendësministrin Agim Çeku, prej kur është shpallur aktakuza që ka të bëjë me veteranët e UÇK-së. /Telegrafi/
Shoqata e Prokurorëve i reagon deputetit Muja: Dënojmë çdo p...
Arrestohet i dyshuari tretë që kërkohej për disa vjedhje të ...
Osmani takon ambasadorin Wood, flasin për paqen dhe sigurinë...
Tri ndeshje dënim nga klubi për sjellje të pahijshme – Mërgi...
VV-ja shpenzoi mbi 351 mijë euro për tre muaj, pagoi edhe pë...
Krerë të institucioneve të drejtësisë nga Kosova në Portugal...