Ministrja e Integrimit Evropian, Dhurata Hoxha, së bashku me kryeministrin Ramush Haradinajn, shefen e Zyrës së BE-së, Nataliya Apostolova, dhe Christian Heldt, ambasador i Gjermanisë, kanë bërë promovimin e fazës së re të Fushatës për Liberalizimin e vizave.

Kjo fushatë ka për qëllim vetëdijesimin e qytetarëve të Kosovës rreth Vizave dhe qasjen tyre në këtë aspekt.

Në këtë fushatë, Ministrja Dhurata Hoxha ka thënë se procesi i liberalizimit të vizave ka qenë sfidues.

“Kosova ka pasur 95 kritere për të përmbushur që krahasuar me vendet e Ballkanit Perëndimor që kanë pasur 41. Institucionet e Kosovës kanë punuar për të përmbushur këto kritere. Qytetarët e Kosovës po vuajnë më së shumti në mungesë të këtij procesi. Bizneset, studentët, prindër që kanë fëmijë të sëmurë e duan ti shërojnë jashtë vendit po e vuajnë këtë proces”, ka thënë ajo.

Ka edhe shumë sfida deri tek Liberalizimi i Vizave ka thënë ministrja Hoxha duke përmendur votimet që janë bërë për këtë proces.

“Kemi ende shumë sfida ku ajo e radhës është shtetet anëtare të BE. Kemi edhe votimin e fundit që po punojmë në këtë aspekt. Sot po lanësojmë fushatën që ka për qëllim qasjen tek qytetarët se çka është e çka nuk është liberalizimi i vizave, ku dhe sa mund të qëndrohet në zonën shengen. Qeveria e Kosovës do ta mbështes këtë fushatë me mjete shtesë. Do të shkojmë në çdo qytet e lagje për të vetëdijesuar qytetarët”.

“Këtë fushatë do ta mundësoj edhe kuvendi, e institucionet tjera si dhe diaspora. Do të shfrytëzojmë rastin që gjatë diskutimeve publike të diskutojmë lidhur me sfidat e këtij procesi. Do t’ua bëimë të qartë se liberalizimi nuk do dhe nuk duhet të keqpërdoret. Të bashkëveprojmë të gjithë së bashku që të jemi të suksesshëm”, ka thënë ajo.