Roberto Mancini ka marrë përsipër detyrën e vështirë për të rikthyer Italinë në elitën e futbollit botëror, një mision i vështirë për trajnerin e njohur. Nesër skuadra “azzurre” ka një test të rëndësishëm me Ukrainën, ndeshje ku Mancini do të provojë skemat e përgatitura ditët e fundit në stërvitje.
“Do të jetë një Itali sulmuese, çka do të thotë që do të luajmë me skemën 4-3-3. Për fat të mirë rikthehet Verratti, që për mua është shumë i rëndësishëm. Me përvojën e tij do të na ndihmojë shumë. Janë dy ndeshje në 4 ditë dhe ndonjë lojtar do të lodhet më shumë se të tjerët”, tha Mancini.
Pavarësisht se kandidatët janë të shumtë, trajneri konfirmon se titullar në portë do të jetë Gigi Donnarumma. “Pres të kem në formë edhe Chiellini, pasi është i rëndësishëm, por nëse do të luajë 1 apo 2 ndeshje do të varet nga ai. Çfarë i mungon këtij ekipi? Lojtarët teknikë, që të bëjnë diferencën në fushë. Por kemi vetëm dy ndeshje që luajmë së bashku, ndaj me kalimin e kohës do të përmirësohemi”, u shpreh Roberto Mancini.
Rama publikon pamjet nga Korridori VIII: Po punohet në disa ...
Vuçiq për FSK-në: Janë të trajnuar mirë, s’ka dyshim – por n...
Horoskopi ditor – Çfarë kanë parashikuar yjet për shen...
Sot mbahet protesta e shqiptarëve në Preshevë
AGK-ja sot publikon raportin vjetor ‘Treguesit e nivelit të ...
Simone Inzaghi tregon se si ekipi i tij humbi derbin me Mila...