Turqia ka njoftuar Organizatën Botërore të Tregtisë se do të vendosë kuota për importet e çelikut nga 17 tetori për të mbrojtur industrinë vendase të çelikut.
“Masat mbrojtëse janë rezultat i ngjarjeve të paparashikueshme që ndikojnë drejtpërdrejt në sasinë e importeve të këtyre produkteve në Turqi. Turqia është një treg tërheqës për produktet e çelikut që janë subjekt i rritjes së masave mbrojtëse dhe këto masa, të cilat kanë filluar të aplikohen anembanë botës, kanë shkaktuar një rritje të hyrjes së këtyre produkteve në Turqi”, njoftoi Ministria turke e Tregtisë.
Në gusht, SHBA dyfishoi tarifat për alumin dhe çelikun turk, të cilat tani përbëjnë 20 për qind për alumin dhe 50 për qind për çelikun.
Mosmarrëveshja tregtare midis Ankarasë dhe Uashingtonit shpërtheu në mars kur presidenti i SHBA-së, Donald Trump, për herë të parë vendosi një taksë prej 10 dhe 25 për qind mbi importet e çelikut dhe aluminit nga vendet që janë partnerë tregtarë amerikanë, duke përfshirë Turqinë.
Ankaraja zyrtare njoftoi se tarifat ishin të papranueshme dhe njoftoi se do të ndërmarrë kundërmasa. /Telegrafi/
Të paktën 66 të vdekur dhe dhjetëra të zhdukur nga përmbytje...
Neuer pyetet nëse do të rikthehet nga pensionimi pas lëndimi...
Policia shqiptoi 1 mijë e 807 gjoba trafiku brenda 24 orëve
Një arkatare e një marketi në Prishtinë raporton 200 euro të...
Arrestohen dy persona në Prishtinë, dyshohet se sulmuan një ...
Arrestohet punëtorja e një kompanie të sigurimit në Prishtin...