Kadri Veseli: FSK është Ushtria Çlirimtare e Kosovës

12:43 | 5 Tetor 2018
Arbresh.info

Kryetari i Kuvendit të Kosovës, Kadri Veseli tha se nuk do të lejojnë që të cenohet shteti dhe integriteti i Kosovës.

Në ceremoninë rivarrimit të 157 dëshmorëve dhe heronjve në fshatin Marinë të Skenderajt, Veseli tha se të rinjtë e Kosovës janë të gatshëm që edhe sot të ballafaqohen me Serbinë.

“Ishalla nuk ju bjen Zoti kurrë më me luftu, por të rinjtë këtu janë të gatshëm të ballafaqohen me Serbinë. Nuk do të lejojmë që të cenohet shteti dhe integriteti. Vendi i kolosëve ka qenë përherë Drenica”, tha ai.

Kryekuvendari përmendi edhe transformimin e FSK-së.

“Jemi duke e bërë punën tonë, që nga presidenti Hashim Thaçi, kryeministri Ramush Haradinaj dhe ne të gjithë të tjerët. Mos t’i hapim fjalë njëri-tjetrit, sepse kjo tokë është e shenjtë.  Është çështje e ditëve, e javëve deri në transformimin e Ushtrisë Çlirimtare e Kosovës, FSK-ja është UÇK. Urime ky monument i lavdisë i Ushtrisë Çlirimtare të Kosovës”, tha ai.

Shpërndaje në rrjete sociale

Lajmet më të lexuara

Të ngjashme

Foto lajm