Prokuroria kërkon 30 ditë paraburgim për Milim Zeken

14:46 | 27 Shtator 2018
Arbresh.info

Sapo ka përfunduar seanca dëgjimore për rastin e deputetit të Nismës, Milaim Zeka. Prokuroria ka kërkuar masën e paraburgimit prej 30 ditësh për Zekën mirëpo vendimi nuk është marrë ende, pritet gjithçka të vendoset në orën 15:00.

“Vendimi nuk eshte marr ende, dhe pritet qe gjyqtari i procedures paraprake te vendos deri ne ora 15. Prokuroria, ka kerkur masen e sigurise paraburgim prej 30 ditesh per deputetin Milaim Zeka. Nderkohe qe mbrojtja e ka kundershtuar ate”, raporton gazetari i T7, nga vendi i ngjarjes.

Ndryshe gjatë ditës së djeshme Prokuroria Themelore në Prishtinë ka lëshuar urdhërin për arrestimin e deputetit të  Kuvendit të Kosovës, Milaim Zeka për shkak të kërcënimit të prokurorit special, Afrim Shefkiu.

Kjo për shkak të deklaratës që Zeka e dha në T7 për  Prokurorin Special, Afrim Shefkiu duke thënë se do ta ndjekë atë me gjyq, kanun e privatisht.

“Ma përpara ia kisha falë nëse ma kish vra njërin prej fëmijëve në afekt sesa kështu me ia shkatërru njerëzve ëndrrat. Mua më kanë poshtëruar. Unë do ta ndjek këtë prokurorin tëm me gjyq, me kanun e edhe privatisht. Nuk ia fali kurrë poshtërimin. Se njerëzit tash thonë për mua: Kqyre ky hajni i vizave”, ka thënë Zeka në emisionin DPT te Fidani në T7.

Prokurori Special, Afrim Shefkiu ka propozuar 907 dëshmitarë kundër Zekës. Thuhet se 900 prej tyre janë viktima të mashtrimit me viza pune në Gjermani të cilëve u janë marrë hiç më pak se 345 mijë e 700 euro.

Shpërndaje në rrjete sociale

Lajmet më të lexuara

Të ngjashme

Foto lajm