Juve mposhtë Valencian edhe me 10 lojtarë, debutim i tmerrshëm për Ronaldon

22:55 | 19 Shtator 2018
Arbresh Info

Juventusi ka regjistruar tri pikë pas fitores mbrëmjes së sotme ndaj Valencias.

Kampioni i Italisë ka fituar me rezultat 2 me 0 në takimin si mysafirë ndaj Valencias në kuadër të xhiros së parë në fazën grupore të UEFA Ligës së Kampionëve, shkruan portali arbresh.info.

Edhe pse me vetëm dhjetë lojtarë në fushë, “Zonja e Vjetër” siguroi fitore në Mestalla.

Skuadra e Max Allegrit mbeti me vetëm dhjetë lojtarë në fushë që nga minuta e 29′ pas ndëshkimit të Cristiano Ronaldo me karton të kuq direkt si pasojë e përfshirjes së tij në një incident me mbrojtësin Jeison Murillo duke bërë që debutimi i tij me Juventusin në Ligë të Kampionëve të jetë i tmerrshëm.

Miralem Pjanic është autori i dy golave për gjiganti italian. Mesfushori boshanjak realizoi të dy golat nga pika e bardhë (45′) (51′).

Juventusi qëndron në pozitën e dytë të Grupit H me tri pikë, aq sa ka edhe Manchester United si lider./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm