Më se 1,000 porosi për BMW iX3

21:48 | 18 Shtator 2018
Arbresh.info

Jo keq, kur të gjitha porositë janë prej të njëjtit shtet

Norvegjia është shteti i parë në botë, sa i përket përdorimit të makinave elektrike, transmeton Telegrafi.

Në fakt, 52 për qind e makinave të shitura në këtë shtet janë EV, andaj nuk është çudi që prodhuesit si Tesla lulëzojnë aty.

Megjithëse Norvegjia prin me përqindjen e këtyre makinave, Gjermania fqinje blenë më shumë dhe mund të kërkojë edhe më shumë pasi ka prodhimet e veta nga BMW  dhe Mercedes.

Norvegjia mbetet treg shumë i madh për EV, andaj vetëm aty BMW i ka hapur porositë për iX3 SUV.

InsideEV raporton se brenda dy javësh janë porositur më se 1,000 iX3, për ekuivalentin e 1,500 eurove që do të përfshihen më pas në çmim. Modeli që do të hyjë në prodhim më 2020, pritet të prodhojë 70 kWh, ndërsa të lëvizë për 400 kilometra me një mbushje baterie.

Megjithëse ende nuk dihet se kur do të lansohet BMW iX3, në Norvegjinë e 5.2 milionë banorëve, pritet të ketë edhe kërkesa të tjera për këtë makinë. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm