Editoriali i Presidentit të Kosovës Hashim Thaçit ku është deklaruar përsëri për korrigjimin e kufijve ka bërë jehonë në mediat serbe. Mediat serbe janë fokusuar në deklaratën e tij ku thekson se as Perëndimi as Kosova nuk mund ta bindin Beogradin që ta njohë Kosovën.
Presidenti i vendit, Hashim Thaçi, dje ka bërë përsëri thirrje për një korrigjim paqësor të kufirit ndërmjet Kosovës dhe Serbisë. Ai ua ka dërguar mediave, në pasditen e së dielës, një shkrim, nëpërmjet të cilit ka thënë se fati i Kosovës nuk mund të vuloset pa një marrëveshje me Serbinë.
Ai ka vlerësuar se “stabiliteti afatgjatë i shtetit të Kosovës është pashmangshëm i lidhur me anëtarësimin e Kosovës si shtet në OKB, në Paktin NATO dhe në BE”.
Në këtë mënyrë, sipas Thaçit, “Kosova do të jetë përjetë e mot shtet i qëndrueshëm, anëtare e familjes së kombeve paqedashëse në OKB, anëtare e aleancës më të fuqishme ushtarake në botë, NATO-s, si dhe në fund edhe anëtare e Bashkimit Evropian”.
“Nuk mund t’i arrijmë këto qëllime, nuk mund ta vulosim njëherë e përgjithmonë fatin e Kosovës si shtet, nëse në muajt e ardhshëm nuk do ta bëjmë marrëveshjen ligjërisht obliguese me Serbinë”, është shprehur ai.
Sipas Thaçit, “marrëveshja paqësore e bazuar në korrigjimin e kufirit ndërmjet Kosovës dhe Serbisë, në rast se arrihet, do të jetë krejtësisht në përputhje me të drejtën ndërkombëtare”.
Osmani në Washington foli për rrugëtimin e Kosovës
Sulme vdekjeprurëse ruse në Ukrainë
Hidhet mjet shpërthyes në oborrin e një shtëpie në Zubin Pot...
Deputeti gjerman: Nëse Serbia dëshiron BE, duhet ta njohë Ko...
A mund të ndikojë rezultati i zgjedhjeve në SHBA në Ballkan?
Hamasi do ta mbajë të fshehtë identitetin e liderit të ri pë...