Lideri i Lëvizjes Vetëvendosje, Albin Kurti është takuar me ambasadorin e Britanisë së Madhe në Kosovës, Ruairi O’Connell.
Gjatë këtij takimi është diskutuar rreth dialogut Kosovë-Serbi dhe deklarimet e fundit rreth “korrigjimit të kufijve” dhe “kompromisit të dhimbshëm”.
“Kurti shprehu qëndrimin e Lëvizjes kundër lojërave të dëmshme të Presidentit Thaçi i cili po i mashtron edhe qytetarët e Preshevës, Medvegjës e Bujanocit përveçse ata të Kosovës, dhe po e relativizon shtetësinë e sovranitetin, integritetin territorial e institucional të Republikës sonë. Kryetari Kurti theksoi se ky President nuk ka mandat për çfarë po flet e bën. Dhe, ai nuk ka as parime dhe platformë.
Ambasadori O’Connell tha se Mbretëria e Bashkuar është e vendosur dhe ka qëndrim të qartë rreth pavarësisë e sovranitetit të Kosovës dhe se çdo lëvizje për ndryshim të kufijve është e rrezikshme jo vetëm për Kosovën por edhe për rajonin. Ai u shpreh kundër logjikës “ndarje ose konflikt””, thuhet në njoftimin për media.
Njoftimi i plotë:
Kryetari i Lëvizjes VETËVENDOSJE!, Albin Kurti, bashkë me deputeten, Fitore Pacolli, dhe koordinatoren e Sekretariatit për Marrëdhënie me Jashtë, Nora Fetoshi, vizituan Ambasadën e Mbretërisë së Bashkuar ku u pritën nga Ambasadori Ruairi O’Connell dhe Sekretari i dytë politik Sam Paice.
Në takim u diskutua për situatën politike me fokus të veçantë rreth dialogut Kosovë-Serbi dhe deklarimet e fundit rreth “korrigjimit të kufijve” dhe “kompromisit të dhimbshëm”.
Kryetari Kurti shprehu qëndrimin e Lëvizjes kundër lojërave të dëmshme të Presidentit Thaçi i cili po i mashtron edhe qytetarët e Preshevës, Medvegjës e Bujanocit përveçse ata të Kosovës, dhe po e relativizon shtetësinë e sovranitetin, integritetin territorial e institucional të Republikës sonë. Kryetari Kurti theksoi se ky President nuk ka mandat për çfarë po flet e bën. Dhe, ai nuk ka as parime dhe platformë.
Rruga e duhur përpara nuk është shkëmbimi territorial por reciprociteti i të drejtave, tha kryetari Kurti. Serbia duhet ta njohë pavarësinë e Kosovës dhe të ballafaqohet me të kaluarën e saj, shtoi Kurti.
Ambasadori O’Connell tha se Mbretëria e Bashkuar është e vendosur dhe ka qëndrim të qartë rreth pavarësisë e sovranitetit të Kosovës dhe se çdo lëvizje për ndryshim të kufijve është e rrezikshme jo vetëm për Kosovën por edhe për rajonin. Ai u shpreh kundër logjikës “ndarje ose konflikt”.
Në këtë takim u diskutua edhe për nevojën për luftim të krimit të lartë e korrupsionit të organizuar si parakusht për zhvillim ekonomik dhe mirëqenie sociale.
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...