Një person është arrestuar të dielën mbrëma në Qendrën Klinike Universitare të Kosovës.
Policia ka bërë të ditur se arrestimi i të dyshuarit është bërë pasi i njëjti nën kërcënimin e armës ka tentuar të futet në repartin e gjinekologjisë.
Rastin e ka raportuar punëtori i sigurimit ndërsa menjëherë në vendin e ngjarjes është paraqitur Policia.
“Ankuesi, punëtor i sigurimit, mashkull K/Shqiptar, ka njoftuar se derisa ishte në vendin e tij të punës një person mashkull K/Shqiptar, me dhunë duke ekspozuar edhe një armë zjarri ka dashur të hyjë në repartin e gjinekologjisë”, thuhet në raportin e Policisë, transmeton Indeksonline.
Patrulla policore ka identifikuar dhe ka lokalizuar të dyshuarin ku në automjetin e tij ka gjetur dhe ka konfiskuar një armë me gaz, me një karikator pa fishekë kal.9mm.
I dyshuari pas arrestimit dhe intervistimit me vendimin e prokurorit, dërgohet në qendrën e mbajtjes ndërsa hetimet përkitazi me rastin ende janë duke vazhduar.
Osteoporoza, shtohet një tjetër faktor rreziku
A kërcënohet demokracia pas zgjedhjeve në Austri?
“Mjeshtri” Flick brenda katër ditëve deklasoi Bayernin dhe R...
“Flas me gjethen” nga Endrit Krasniqi, shpallet kënga fitues...
ShBA pritet t`i shesë Tajvanit armatime të reja
Si të dini që mashkulli dëshiron vetëm flirt: Gjuha e trupit...