Ministri i Infrastrukturës, Pal Lekaj, bashkë me kryetarin e Malishevës Ragip Begaj, të shtunën kanë bërë inaugurimin e fillimit të punimeve të rrugës transite të Malishevës.
Kjo rrugë do të realizohet me mbështetjen e plotë financiare të Ministrisë së Infrastrukturës, do të jetë e gjatë mbi 14 kilometra dhe do të kushtojë 4.5 milionë, ndërkaq segmenti i filluar sot kushton rreth 1.5 milionë euro dhe do të përfundojë brenda një viti.
Ministri Lekaj ka deklaruar se ky segment rrugor do të ndikojë pozitivisht në zhvillimin e kësaj ane, lëvizjen e lirë të qytetarëve dhe mallrave duke ndihmuar zhvillimin e bujqësisë e bizneseve të kësaj ane. Ministri Lekaj ka ripohuar se Qeveria e Kosovës mbetet e përkushtuar dhe këtë e dëshmon më së miri ajo që komunat deri më tani janë mbështetur me rreth 42 milionë euro nga Ministria e Infrastrukturës.
Kryetari Ragip Begaj ka falënderuar ministrin Lekaj për mbështetjen e vazhdueshme, duke deklaruar se kjo rrugë transite e ndihmon Malishevën duke e shkarkuar dukshëm komunikacionin e dendur në qytet.
Hapja e grupkapitujve të parë me BE, Rama: Nevojiten reforma...
Hasani takon Ardita Sinanin, rikonfirkon mbështetjen e qever...
Ten Hag konfirmon interesimin e klubit për transferimin e lo...
Gjenerallejtënant Bashkim Jashari qëndroi në vizitë zyrtare ...
Ferronikeli kërkon fitoren e parë, Drita vazhdimin e ecurisë...
Rumania thotë se edhe një dron tjetër shkeli hapësirën e saj...