Kryetari i Lidhjes Demokratike të Kosovës, Isa Mustafa ka reaguar për vizitën e Presidentit Serb në Kosovë Aleksandër Vuçiq ku ka thënë se ai po e viziton veriun e Kosovës sipas agjendës së tij.
Postimi i tij i plotë në Facebook:
Edhe përkundër deklaratave rrahagjokse të bartësve të institucioneve të Kosovës, Presidenti i Serbisë Aleksandër Vuçiq po e viziton veriun e Kosovës sipas agjendës së tij.
Problemi nuk qëndron në faktin se një President i një vendi fqinj po e viziton vendin tonë, sepse në një logjikë normale ajo të ishte e natyrshme, ashtu siç do të ishte e natyrshme që Presidenti ynë të vizitojë Serbinë.
Por është e papranueshme që një president i një vendi fqinj të flet për resurset tona natyrore si të ishin të tijat dhe për tokën tonë si tokë të tij. Sa është e papranueshme që Presidenti ynë në mënyrë jokushtetuese, i kurthuar në grackat serbe dhe të atyre që ishin kundër pavarësisë së Kosovës, të shpreh pretendime territoriale ndaj një vendi fqinj, sepse këtu gjen hapësirë sjellja e papranueshme dhe hegjemoniste e Vuçiqit.
Kosova ka territorin e saj, mbi të cilin e ka shpallur pavarësinë dhe ky territor nuk është i negocueshëm me askënd për aq sa nuk është e negocueshme pavarësia e Kosovës.
Sara ndryshon lojën, shpëton nga nominimi Drilonin, e nomino...
Berisha: Më 29 tetor protestë, opozita duhet të udhëheqë me ...
Paralajmërimi i O’Brien: Është momenti që Kosova të përkufiz...
Osmani: Një partneritet i fortë SHBA – Kosovë siguron ...
Leverkuseni është i bindur se Alonso do të nënshkruajë me nj...
Berisha: Kurti po i ikë zbatimit të marrëveshjeve ndërkombët...