Google ADS

Vizita e presidentit serb, Hoti: Gjithçka është nën kontroll, situata është e qetë

13:49 | 8 Shtator 2018
M. A.

Njësitë e Policisë së Kosovës janë në teren dhe gjithçka është nën kontroll dhe po shkon sipas planit, ka deklaruar zëvendës komandanti rajonal i Policisë së Kosovës në Mitrovicë, Besim Hoti.

“Policia është në detyrë dhe të gjithë komandantëve u është kërkuar që të ndalojnë pushimet e fundjavës dhe të gjinden në terren”, ka thënë ai për Tanjug, transmeton portali arbresh.info.

I pyetur se cila njësi është përfshirë në sigurimin e kësaj vizite, ai tha se janë të ngarkuara njësitë e Policisë së Kosovës.

“Tani për tani, gjithçka po ecën mirë dhe nuk ka asnjë informacion për ndonjë eskalim të situatës”, tha ai.

“Ne presim që e gjithë kjo të kalojë në mënyrë paqësore dhe të përfundojë sipas planit”, shtoi Hoti.

Në orën 14:00 pritet ardhja e presidentit serb Aleksandar Vuçiq në Kosovë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm