Google ADS

Dy ditë të dështuara për Kuvendin, Veseli thërret mbledhje urgjente të Kryesisë

10:53 | 6 Shtator 2018
M. A.

Edhe sot ka dështuar mbajtja e seancës së jashtëzakonshme të thirrur nga Opozita për debat parlamentar lidhur me angazhimet e Presidentit Thaçi për shkëmbim të territorit me Serbinë, shkruan arbresh.info.

Me të filluar seanca, kryeparlametnari Kadri Veseli ka thënë se janë bërë dy ditë që nuk po mund të mbahen seanca andaj ai ka thirrur një mbledhje të kryesisë për në orën 14:00.

“Tash e dy ditë po vazhdon kjo kështu, në këto rrethana jam i detyruar që të mbylli këtë seancë dhe në orën 14 ftoj kryesinë e kuvendit së bashku me kryetarët e grupeve parlamentare në një mbledhje të përbashkët”, tha Veseli.

Në sallë ishin vetëm deputetët e VV, LDK, Alternativës dhe PSD-së, ndërsa nuk ishte prezent asnjë deputet i pozitës./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm