Challandes nuk ndryshon, i qëndron besnik formacionit

09:08 | 6 Shtator 2018
Arbresh.info

Përfaqësuesja e Kosovës zhvilloi seancën e fundit stërvitore në Prishtinë, ku trajneri Bernard Challandes preferoi që dyert e stadiumit të jenë të mbyllura për mediat dhe publikun.

Zvicërani pati në dispozicion të gjithë lojtarët, duke i kushtuar vëmendje lëvizjeve të shpejta nga krahët apo goditjeve standarde.

67-vjeçari nuk pritet të bëjë ndryshime taktike, duke i besuar të njëjtës lojë që skuadra zhvilloi në miqësoret e kaluara.

Sistemi i rreshtimit pritet të jetë 4-3-2-1 dhe për pjesën më të madhe të roleve trajneri e ka ndarë mendjen.

Dilemat mbeten te reparti i mbrojtjes.

Paraditen e kësaj të enjteje skuadra do të niset drejt Azerbajxhanit, ku në 17:30 do të zhvillojë seancën e vetme stërvitore në stadiumin olimpik të kryeqytetit Baku, ku dhe do të zhvillohet ndeshja me përfaqësuesen e Azerbajxhanit, e para për “Nations League”.

Shpërndaje në rrjete sociale

Lajmet më të lexuara

Të ngjashme

Foto lajm