Brenda 24 orëve 52 aksidente, 27 me të lënduar

10:10 | 31 Gusht 2018
Arbresh.info

Numri i aksidenteve që po ndodhin në Kosovë, dita-ditës po shkon duke u rritur. Vetëm që prej mbrëmë në vend janë regjistruar më shumë se 50 aksidente, ndërsa janë arrestuar 23 persona. Gjersa, janë shqiptuar mbi 1 mijë e 300 tiketa.

Gjithsej 52 aksidente janë regjistruar në vend në 24 orët e fundit. Prej tyre, 27 aksidente kanë përfunduar me të lënduar.

Kështu thuhet në raportin 24 orësh që lëshon Policia e Kosovës çdo ditë për media. Në bazë të këtij raporti, edhe numri I arrestimeve nuk është i vogël. 23 personave u janë vërë prangat që prej mbrëmë, ku 15 prej tyre janë në mbajtje dhe 1 në vuajtje të dënimit.

Edhe numri i tikateve të shqiptuara është goxha I lartë. 1 mijë e 359 gjoba janë shqiptuar nga Policia për shkelësit e rregullave të trafikut.

 

Shpërndaje në rrjete sociale

Lajmet më të lexuara

Të ngjashme

Foto lajm