Të gjitha ndërtimet pa leje në afërsi të Liqenit të Batllavës, pritet të rrënohen.
Vendimi është marrë nga Ministria e Mjedisit dhe Planifikimit Hapësinor dhe përfshin 48 vendime të lëshuara për subjektet, të cilat kanë ndërtuar në mënyrë të paligjshme në këtë zonë, raporton KTV.
Pronarët e objekteve janë urdhëruar që në afat prej 7 ditësh të bëjnë largimin e tyre.
Banorët e kësaj zone janë të pakënaqur me këtë vendim dhe kanë shprehur gatishmëri për bashkëpunim. Ata kanë thënë se janë të gatshëm të paguajnë edhe taksë për mosrrënimin e pronave të tyre.
Pronarët, që kanë deri në 15 vjet banimi në këtë zonë, kanë thënë se shumica e tyre qëndrojnë aty shkaku i problemeve shëndetësore që kanë. Sipas tyre, natyra dhe ambienti në afërsi të liqenit, u ka ndihmuar shumë.
Vendimi për rrënimin e objekteve pranë Liqenit të Batllavës vlen edhe për restorantet e ndërtuara në këtë zonë.
Drejtoria e Inspeksionit në Komunën e Podujevës ka thënë se nuk është kompetente për të folur për këtë rast.
Ndërsa, banorët mbesin me shpresën se do t’u ofrohet mundësi bashkëpunimi për mosrrënimin e pronave të tyre./KTV/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite