Google ADS

Ambasadori britanik paralajmëron për rrezikun e ndryshimit të kufijve Kosovë-Serbi

10:19 | 29 Gusht 2018
Arbresh.info

Ambasadori i Britanisë së Madhe në Beograd, Denis Keefe, ka thënë se duhet pasur jashtëzakonisht kujdes më ndryshimin e kufijve apo shkëmbimin e territoreve ndërmjet Kosovës dhe Serbisë, transmeton Gazeta Express.

Sipas tij për këtë çështje duhet të merren parasysh të gjitha rreziqet dhe pasojat.

“Idetë që dalin nga dialogu në mes të Prishtinës dhe Beogradit në Bruksel duhet të jenë reale dhe të arritshme dhe të kontribuojnë në përmirësimin e jetës së njerëzve dhe progresit në Ballkanin Perëndimor”, ka thënë Keefe.

Ndërkohë ideja e shkëmbimit të territoreve është kundërshtuar edhe nga Gjermania dhe Kroacia gjithashtu.

Kundër kësaj ideje ka dalë edhe kryeministri i Kosovës, Ramush Haradinaj, dhe disa parti politike në vend.

I vetmi që po mundohet që në çfarëdo forme ta shtyjë përpara idenë e shkëmbimit të territoreve me Serbinë është presidenti Hashim Thaçi, madje duke cituar edhe ish-presidentin Rugova.

 

Shpërndaje në rrjete sociale

Lajmet më të lexuara

Të ngjashme

Foto lajm