Deputetja e LDK-së, Vjosa Osmani po e cilëson si të pamjaftueshme rezolutën të cilën Kuvendi pritet ta votojë në një seancë të jashtëzakonshme në lidhje me korrigjimin e kufijve.
Osmani ka shkruar në rrjetin social facebook se rezoluta nuk do “ta ndalë Thaçin drejt aventurave të rrezikshme”.
“Rezoluta e Kuvendit të Kosovës do të jetë e rëndësishme, por me gjasë e pamjaftueshme, për të ndalur aventurat e rrezikshme të Thaçit në dëm të sovranitetit të vendit. Thaçi mbanë titullin e kampionit për shkelje të Rezolutave të Kuvendit”, ka shkruar deputetja e LDK-së.
Tutje Osmani ka paralajmëruar një protestë masive dhe paqësore më 7 shtator, pikërisht në ditën kur Thaçi do të takohet me Vuçiqin.
Sipas saj, vetëm në këtë formë do të dëshmohej se Kosova është e pandashme.
“Prandaj, më 7 shtator, kur Thaçi udhëton për Bruksel për të bërë edhe një hap tutje drejt ndarjes së Kosovës, ne qytetarët e Kosovës, do të duhej të protestonim paqësisht, por masovikisht, për t’i dëshmuar atij dhe kujtdo tjetër që Kosova është një dhe e pandashme”, ka shkruar Vjosa Osmani.
Pikërisht për deklaratat e Thaçit në lidhje më kufijtë, Kuvendi do të mblidhet më 4 shtator në një seancë të jashtëzakonshme .
Shkrumbohet një banesë në Lushnje
Agjenti konfirmon rikthimin e Mario Balotellit në Serie A
Britania dhe Kina japin shenja pajtimi gjatë vizitës së krye...
Femra vendosni: Këto janë karakteristikat kryesore të mashku...
Ushqimet për një fytyrë pa rrudha
Kurti në Paris, fton kompanitë franceze që të investojnë në ...