Haradinaj e pranon se Kosova ka ngecur në zbatimin e MSA-së

12:44 | 28 Gusht 2018
Arbresh.info

Kryeministri i Kosovës Ramush Haradinaj ka pranuar se Kosova është vonuar me zbatimin e Marrëveshjes për Stabilizim-Asociim.

Në konferencën për media pas takimit të rregullt të Këshillit Ministror për Integrim Evropian, Haradinaj ka thënë se deri në fund të shtatorit pret që të përfundojnë zbatimin e Agjendës për Reforma Evropiane (ERA1).

Haradinaj tha se ka ngecje në zbatimin e MSA-së dhe kjo pengon aplikimin për statusin e kandidatit.

Ndërsa ministrja e Integrimeve, Dhurata Hoxha tha se në këtë takim theksuan rëndësinë e zbatimit të ERA-së. Ajo theksoi se kanë kërkuar nga ministrat zbatimin e ERA-së deri në fund të shtatorit dhe janë në rrugë të mirë për këtë.

Shpërndaje në rrjete sociale

Lajmet më të lexuara

Të ngjashme

Foto lajm