Një studim i ri nga London School of Economics dhe Shkencave Politike (LSE) tregon se nëse keni shikuar shoun e realitetit ” Keeping Up With the Kardashians”, mund të bëheni më pak të mëshirshëm ndaj të varfërve dhe vështirësive të tyre.

Studiuesit zbuluan se 60 sekonda ekspozim në media përmbajtja e të cilave reklamon lavdi, luks dhe pasuri, mjaftojnë për të rritur kundërshtimin ndaj politikës së përfitimeve sociale, transmeton KosovaPress.

Rodolfo Liva, studiues, ka është duke shikuar çështjen për shkak se njerëzit janë nga natyra materialistë dhe emisionet sikurse Keeping Up With the Kardashians ngritin në sipërfaqe anën tonë egoiste.

“Nëse theksohet se ana materiale na bënë të lumtur, kjo mund të na bëjnë egoist dhe antisocial, dhe të pandjeshëm ndaj njerëzve të varfër. Ky studim mund të ndihmojë për të shpjeguar rënien e mbështetjes së publikut në Britani të Madhe kur ka të bëjë me përfitimet sociale për të papunët dhe të varfrit”, tha ai.

Studimi u krye në dy grupe prej 487 britanikësh të moshës 18-49 vjeç. Të dy grupet duhej të merrnin pjesë në një eksperiment që teston kujtesën dhe vëmendjen.

Pjesëmarrësit në eksperiment u pyetën për zakonet e tyre televizive – nëse kanë shikuar programet që tregojnë mënyrën e jetesës joshës – të tilla si ” Keeping Up With the Kardashians” dhe “Made in Chelsea”. Ata u pyetën gjithashtu nëse lexojnë rregullisht revista si Vogue.

Grupi i pari që ishin të ekspozuar rregullisht në përmbajtje të tilla treguan qëndrim materialist dhe antisocial të theksuar në krahasim me ata që ishin më pak të ekspozuar.

Liva thotë se rezultatet e anketës nuk janë befasuese, duke pasur parasysh faktin se studimet e mëparshme kanë treguar se edhe ekspozimi i shkurtër për fotografi dhe fjalë të tilla si “blej” dhe “shtrenjtë” mund të shkaktojë reagim antisocial dhe “të mbyllë” ndjeshmërinë ndaj njerëzve.