Pjesët më periferike të uraganit Lane kanë prekur tashmë pjesë të ishullit kryesor të Hauait, me reshjet e dendura të shiut që kanë nisur prej mëngjesit të së enjtes, duke shkaktuar rrëshqitje dherash dhe duke kërcënuar për përmbytje dramatike, ndërkohë që stuhia e kategorisë së katërt po lëviz në mënyrë të frikshme gjithnjë e më afër shtetit Aloha.
Syri i stuhisë, e cila pritet të bëhet e para kaq e madhe që prek tokën në këtë shtet në 26 vitet e fundit, pritet t’i afrohet gjithnjë e më shumë ishullit kryesor, ose mbi tokën e tij mesnatën e së enjtes dhe të premtes, sipas Qendrës së Uraganëve të Paqësorit Qendror.
Uragani mund të rezultojë kaq shkatërrimtar, sa guvernatori i Hauait, David Inge u ka bërë thirrje banorëve të marrin masa për magazinimin e ushqimeve dhe ujit të pijshëm për të paktën dy javë.
“Hauai pritet të preket rëndë nga uragani Lane. Çështja është sa rëndë?”, tha administratori i Agjencisë federale të Menaxhimit të Emergjencave, Brock Long, këtë të enjte.
Qendra e stuhisë, me erëra që mund të arrijnë deri në 210 km në orë, ndodhej në Paqësor, rreth 205 milje detare në jugperëndim të qytezës Kailua-Kona, të ishullit të madh, rreth orës 8 të mëngjesit (16 pasdite me tonën).
Rrëshqitjet e dherave janë një shqetësim më vete, pasi 25-76 cm shi parashikohet të bjerë gjatë fundjavës, ndërkohë që edhe deri më tani ka pasur rrëshqitje në ishullit kryesor.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite