Ray Parlour ka paralajmëruar Granit Xhakën se duhet t’i përvishet punës ose të përballet me largim nga trajneri i Arsenalit, Unai Emery.
Reprezentuesi i Zvicrës nuk ka arritur të përmbush pritëshmëritë me transferimin e tij për 35 milionë funta nga Borussia Monchengladbachi në verën e vitit 2016 dhe duket se është duke u përballur me një të ardhme të pasigurt nën udhëheqjen e pasardhësit të Arsene Wengerit, transmeton portali arbresh.info.
Xhaka është emëruar si njëri nga pesë kapitenët e Unai Emery para sezonit të ri, por ishte larguar nga fusha pas pjesës së parë të ndeshjes së vikendit të kaluar në disfatën ndaj Chelseas, ku u zëvendësua nga anëtari i ri i skuadrës Lucas Torreira.
Me ardhjen e Matteo Guendouzit gjithashtu, i cili ka impresionuar me paraqitjet e tij në zemër të mesfushës së Arsenalit, Parlour beson se kjo do të thotë tani ose kurrë për Xhakën.
“Xhaka dukej se kishte një Kampionat Botëror të mirë prandaj është e vështirë të thuash se çfarë nuk shkon me të”, ka thënë Parlour, transmeton portali arbresh.info.
“Ai duket si një djalosh që i duhet pak kohë për tu rikthyer në ritëm që të luaj çdo javë, veçanërisht me trajnerin e ri”
“Por, ka lojtarë që janë përreth qafës së tij. Nëse ai nuk e bënë punën, ai nuk do të jetë në skuadër”
“Lojtarët që kanë formë meritojnë të luajnë. Ai duhet t’i përvishet punës dhe duhet të luaj mirë”
Xhaka ishte pjesë e formacionit startues në dy takimet e para këtë sezon në Premierë Ligë./arbresh.info/
Arrestohet një person në Zveçan për armëmbajtje pa leje, sek...
Policia shqiptoi 1 mijë e 554 gjoba trafiku për një javë në ...
Von der Leyen vazhdon turin ballkanik – nesër vjen në Kosovë
Përfshihet nga zjarri një veturë në Ferizaj
Arrestohet një burrë nga Deçani, vodhi pyllin
Kush do të jetë banori i parë që do të largohet nga shtëpia ...