Cristiano Ronaldo ka shpjeguar se si reagimi pozitiv nga tifozët e Juventusit në golin e tij me gërshërë ndikoi në vendimin për t’iu bashkuar klubit.

Ylli portugez iu bashkua “Zonjës së Vjetër” për 100 milionë euro nga Real Madridi këtë verë pas ndikimit madhështor në çerekfinale të sezonit të kaluar të Ligës së Kampionëve ndaj Juves, transmeton portali arbresh.info.

Ronaldo shënoi tri herë në dy ndeshjet, përfshirë një gol spektakolar me gërshërë në fitoren në Torino, gjë që ishte vlerësuar nga tifozët vendas.

“Detajet e vogla bëjnë një dallime të madha në vendime”, ka thënë Ronaldo në një intervistë për ‘DAZN’ kur është pyetur nëse reagimi i tifozëve ka pasur ndikim në vendimin e tij. “Të them të drejtën, ajo që shihni dhe dëgjoni në stadium mund t’iu ndihmoj juve, këto momente të respektit dhe vlerësimit janë të rëndësishme”

“Është për fat të keq për mua që goli erdhi kundër skuadrës time aktuale, por unë besoj se është më i miri i realizuar ndonjëherë, prandaj përgjigjja ishte vërtetë e mrekullueshme”

“Ishte një moment i pabesueshëm të shohësh këta tifozë në këmbë duke duartrokitur, kjo nuk më ka ndodhur asnjëherë më parë”

33-vjeçari debutoi te Juventusi në Serie A vikendin e kaluar në fitoren 3 me 2 ndaj Chievos./arbresh.info/