Një shpërthim shkatërrues vullkanik në anën tjetër të botës ndikoi në humbjen e Napoleonit në Betejën e Waterloos, thonë shkencëtarët.

Studimi i fundit fascionues bën lidhjen e mrekullueshme të dy ngjarjeve, transmeton portali arbresh.info

Për vite me rradhë, historianët kanë cituar se moti me shi dhe baltë kanë ndikuar në disfatën e famshme të ushtrisë franceze më 18 qershor 1815.

Kushtet e këqija në vendin e betejës e shtynë Napoleonin që të vononte sulmin dhe vendimi ësht konsideruar një gabim kritik, pasi u dha kohë trupave prusiane që të bashkohen me aleatët e tyre të udhëhequr nga Britania e Madhe në përplasjet me ushtrinë e Napoleonit.

Beteja, një fitore vendimtare për forcat e udhëhequra nga Duka i Ëellingtonit dhe Fusha Marshall Blucher i Prusisë, ndryshoi rrjedhën e historisë europiane.

Një studim hulumtues i botuar në revistën “Geology”, nga shkencëtarët e Imperial College London i lidhin kushtetet e motit me shpërthimin e vullkanit në malin Tambora, 7,680 milje larg. Vullkani në ishullin indonezian dërgoi hirin vullkanik të ngarkuar me energji elektrike në atmosferën e Tokës ku shpërtheu në prill të vitit 2015.

Shpërthimi, që la të vdekur dhjetra mijëra njerëz, shkaktoi një mot të keq në të gjithë globin dhe shkaktoi “vit pa verë” në vitin 1816.

Dr. Mattheë Genge, ligjërues i lartë në shkencat tokësore dhe planetare në Kolegjin Imperial, sugjeron që shpërthimi “shkurtonte jonosferën”, e cila është pjesë e atmosferës së sipërme të Tokës. Kjo çoi në një impuls në formimin e reve, që nga ana tjetër solli shi të madh në të gjithë Evropën, sipas studimit.

Sipas shkencëtarëve, një shpërthim i tillë mund të hedhë hirin deri në 26 milje në atmosferë, shumë më lartë sesa ishte menduar.

Në romanin “Të Mjerët”, Victor Hygo thotë për Betejën se “një qiell me sy të shqyer mjaftonte për të sjellë rënien e një Bote”.

Një nga figurat kryesore në historinë europiane, Napoleoni mbetet një burim magjepsës mbi strategjitë luftarake.

Kapela e tij që ishte përdorur në Betejën e lartëpërmendur u shit së fundmi në një ankand në Francë për 325.000 dollarë./Arbresh.info/