Episodet e dhunës dhe kaosit, që mbretëruan për disa minuta në ndeshjen e javës së parë të Kategorisë Superiore mes Skënderbeut dhe Partizanit, ishin fokusi kryesor i mbledhjes së Komisionit të Disiplinës së FSHF-së.
Komisioni Disiplinor ka dënuar të dyja klubet me gjobë dhe pa prezencë të tifozëve.
Skënderbeu është dënuar me zhvillimin e 5 ndeshjeve pa tifozë në shtëpi, ndërsa do të paguajë dhe një gjobë prej 300 mijë lekësh (rreth 2500 euro). Në arsyetimin e Disiplinës, dënimi thuhet se erdhi për sjelljen e gabuar të tifozëve, hedhjen e fishekzjarrëve në fushë dhe aktet e dhunës. Por, jo vetëm kaq, transmeton TCH.
Partizani u dënua gjithashtu për trazirat në javën e parë të Kategorisë Superiore dhe do të zhvillojë 4 ndeshje pa tifozë në shtëpi. Për shkak se klubi kryeqytetas nuk ishte organizator, por “të kuqtë” kishin faturën e tyre të fajit, ata do të luajnë 4 sfida pa mbështetësit e tyre. Partizani do të paguajë gjithashtu 200 mijë lekë (rreth 1600 euro) gjobë për trazirat në udhëtim.
Nuk i shpëtoi dënimit as presidenti i Laçit, Pashk Laska, për protesta ndaj vendimeve në Superkupën e humbur ndaj Skënderbeut. Ai dënohet me dy ndeshje pezullim nga aktivitetet dhe i ndalohet hyrja e qëndrimi në dhomat e zhveshjes, apo territorit rreth fushës. Mbetet për t’u parë nëse ky sanksion do të zbatohet, pasi e kaluara tregon se në shumë raste shkeljet lihen në heshtje.
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...