Tajvani të martën u zotua që do të luftojë sjelljen “gjithnjë e më jashtë-kontrollit” të Kinës pasi Taipei humbi edhe një aleat tjetër kundër Pekinit, kur El Salvador u bë vendi i tretë që shkoi në krah të Kinës këtë vit.

Tajvani tani ka marrëdhënie formale me vetëm 17 vende në mbarë botën, shumë prej të cilave vende të vogla, më pak të zhvilluara në Amerikën Qendrore dhe Paqësor, përfshirë Belizen dhe Naurun.

Duke folur në Taipei, presidenti Tsai Ing-wen tha se Tajvani nuk do të përkulet ndaj presionit, duke përshkruar vendimin e El Salvadorit si dëshmi të mëtejshme të përpjekjeve të Kinës për të shtrydhur ishullin, të cilat kanë përfshirë patrulla të rregullta bombarduese kineze rreth Tajvanit.

“Ne do të kthehemi kah vendet me vlera të ngjashme për të luftuar së bashku kundër sjelljes ndërkombëtare gjithnjë e më jashtë-kontrollit të Kinës”, tha Tsai.

Ministri i Jashtëm i Tajvanit Joseph Wu u tha gazetarëve se Taipei nuk ishte i gatshëm të angazhohej në “konkurrencën e parave” me fqinjin e saj gjigand.

Ai tha se El Salvador kishte kërkuar vazhdimisht “mbështetje masive të financimit” që nga viti i kaluar për një zhvillim të portit, por Tajvani nuk ishte në gjendje të ndihmonte me “projektin e papërshtatshëm” pas vlerësimit.

“Presioni nga Kina do ta bënte Tajvanin  më të vendosur për të vazhduar rrugën tonë të demokracisë dhe lirisë”, tha ai.

“Sjellja e vrazhdë dhe e paarsyeshme e Kinës me siguri do të ketë ndikim negativ në marrëdhëniet ndërshtetërore. Kjo gjithashtu nuk është mënyra se si duhet të sillet një vend i përgjegjshëm “.

Pekini e konsideron Tajvanin si një provincë të “një Kine”, e cila nuk ka të drejtë për marrëdhënie shtet-shtet dhe nuk ka hequr dorë kurrë nga përdorimi i forcës për ta marrë ishullin nën kontrollin e saj.

Në Pekin, diplomati më i lartë i qeverisë kineze, këshilltari i shtetit Wang Yi, tha se El Salvador kishte marrë vendimin e duhur.

“Unë jam i bindur se populli i El Salvadorit do të ndiejë ngrohtësinë dhe miqësinë e popullit kinez dhe do të nxjerrin përfitime të mira nga bashkëpunimi me Kinën”, u tha Wang gazetarëve së bashku me homologun e tij El Salvador, Carlos Castaneda, pak pasi pala nënshkroi një marrëveshje të bashkëpunimit në mes vete./arbresh.info/