Në këtë darkë janë konsumuar edhe dy vera “Rioja Crianza’, e cila kushton 30 euro për copë. Veç sallatave të ndryshme si: shope, greke e të përzier, biftekut të viçit, kafe e desert, në faturën e kësaj darke ka edhe ‘Red Bull’.
Por, në këtë faturë janë edhe tri lloje uji që janë konsumuar: ‘Rugove’, ‘San Pelegrino’ dhe ‘Panna’.
Në faturë ka edhe produkte si ‘kuzhina 12’, që kushton 12 euro, por nuk dihet se cili produkt është emëruar me këtë emër.
Gjithë fatura e datës 31 maj 2012, e lëshuar në orën 22:39 i ka kushtuar arkës së shtetit 265 euro.
Gjithsesi, restoranti “Rron” në Prishtinë ka faturuar 265 euro këtë drekë zyrtare, e cila është në emër të Edita Tahirit, po që nuk ka detaje se për kënd është shtruar ose kush kanë qenë mysafirët e ish-zëvendëskryeministres.
allxo.com ka nisur publikimin e faturave të shpenzimeve të Presidentit Hashim Thaçi në kohën kur ai ishte kryeministër i vendit.
Në dosjen prej qindra faturash të siguruar pasi BIRN ka paditur Zyrën e Kryeministrit në gjykatë, do publikohen fatura të shpenzimeve për 20 muaj qeverisje të Hashim Thaçit përfshirë këtu shpenzimet e 5 zëvendëskryeministrave tjerë të asaj kohe: Bujar Bukoshi, Edita Tahiri, Hajredin Kuçi dhe Behgjet Pacolli.
Pjesë e faturave janë edhe shpenzimet e kryera nga këshilltarë e shefa të kabineteve e deri te bodigardët e qeveritarëve të lartë.
Në dosjen “Sa han Shefi” e cila tashmë është aktive në KALLXO.com, çdo ditë do publikohen fatura të reja të shpenzimeve të shoqëruara me shkrime dhe dëshmi për shpenzimet.
Vendosen postera provokues për Policinë e Kosovës dhe Vetëve...
Nënshkruhen dy marrëveshje të grantit për energji efiçiente ...
Përfaqësuesi i Policisë së Kosovës merr pjesë në garat evrop...
Shqipëri/ Dhuna para Kuvendit, nën hetim 7 deputetë demokrat...
Rreziku nga përmbytjet në Shkodër, mblidhet Komisioni i Mbro...
Suhareka do bëhet me stadium të ri, komuna ndanë 13 hektarë ...