Hoti: Para normalizimit me Serbinë, duhet të kemi institucione demokratike

11:44 | 16 Gusht 2018
Arbresh.info

​Shefi i Grupit Parlamentar të LDK-së, Avdullah Hoti ka thënë se para se të arrihet normalizimi i marrëdhënieve me Serbinë, duhet të ketë institucione demokratike me shumicë funksionale në Kuvend.

Sipas Hotit, mosmarrëveshjet në spektrin politik janë thelluar pas deklaratave të presidentit Hashim Thaçi në lidhje me korrigjimin e kufijve me shtetin serb.

“Ato nuk mund të tejkalohen me këtë mungesë korrektësie në qasje e komunikim”, pohon Hoti.

“Para se t’i normalizojmë raportet me Serbinë, gjë që është synim dhe përcaktim yni i koordinuar edhe me bashkësinë ndërkombëtare, së pari duhet të kemi institucione normale demokratike të një shumice solide dhe funksionale në Kuvend. Pa e tejkaluar këtë mangësi, që po prodhon defekte në politikbërje, ne vetëm do të zhytemi edhe më shumë në gjendje jo normale juridike dhe politike”, ka shkruar Hoti

“Marrëveshjen politike duhet ta arrijmë gjithsesi përbrenda institucioneve, por vetëm kur ato vishen me legjitimitet demokratik dhe ta kenë mbështetjen e qytetarëve të Kosovës të shprehur me votën e lirë”, vlerëson tutje ai.

Shpërndaje në rrjete sociale

Lajmet më të lexuara

Të ngjashme

Foto lajm