FIFA publikon renditjen e re, Kosova dhe Shqipëria në pozita të pandryshueshme

12:17 | 16 Gusht 2018
Arbresh Info

FIFA ka publikuar renditjen e re të kombëtareve, por Kosova dhe Shqipëria vazhdojnë qëndrimin në pozita të njëjta.

Me gjithsej 1080 pikë, Kosova – tani nën udhëheqjen e trajnerit Bernard Challandes, gjendet në pozitën e 141-të, shkruan portali arbresh.info.

Shqipëria vazhdon qëndrimin në pozitën e 58 pikë me 1384 pikë.

Në krye të ranglistës qëndron kampioni botëror Franca me 1726 pikë, ndërsa në pozitën e dytë gjendet Belgjika me 1723 pikë.

Brazili i superyllit Neymar është në pozitën e tretë me 1657 pikë.

Në top pesëshe janë edhe Kroacia (1645 pikë) dhe Uruguai (1627 pikë).

Kombëtarja e Zvicrës me yjet shqiptarë si Granit Xhaka, Xherdan Shaqiri, Blerim Xhemaili dhe Valon Behrami gjendet në pozitën e tetë me 1597 pikë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm