AS Roma është e lumtur të konfirmojë blerjen e mesfushorit fitues të Kupës së Botës, Steven Nzonzi, me një marrëveshje afatgjatë.
Futbollisti i përfaqësueses së Francës, bashkohet me verdhekuqtë pas transferimit nga Sevilla, në një marrëveshje që kushton fillimisht €26.65 milionë. Marrëveshja me klubin spanjoll përfshin gjithashtu edhe një numër bonuesesh që lidhen me performancën e futbollistit, që mund të shkojnë maksimalisht €4 milionë të tjera.
Nzonzi ka nënshkruar një kontratë 4-vjeçare me klubin roman, që skadon më 30 qershor 2022. Mesfushori 29-vjeçar do të mbajë veshur fanellën me numrin 42.
“Ndjehem shumë i kënaqur që ndodhem këtu dhe që jam një futbollist i ri i Romës. Dua gjithmonë të përmirësohem, pavarësisht moshës, më e rëndësishmja është të japësh maksimumin dhe të punosh fort. Unë dua të bëj këtë, të bëhem një futbollist më i mirë dhe të ndihmoj skuadrën me lojën dhe eksperiencën time”, ishin fjalët e para të Nzonzi si futbollist i Romës, i zyrtarizuar nga verdhekuqtë në mbrëmjen e të martës, pas vizitave mjekësore.
Ushqimet e duhura për të shmangur ftohjen
Alexander-Arnold i përgjigjet raportimeve se po synon blerje...
Votimi për presidencialet e nëntorit/ SHBA, hapen zyrtarisht...
Taulant Xhaka paralajmëron rikthimin e vëllaut të tij tek Ba...
Moti i ligë në Tetovë – Shtëpi dhe oborre të përmbytura
OKB: Armëpushimi në Gaza, prioritet absolut dhe urgjent