Presidenti turk Recep Tayyip Erdogan tha se është e gabuar që Shtetet e Bashkuara po tentojnë të fusin në linjë Turqinë me kërcënime, një ditë pasi presidenti Donald Trump dyfishoi tarifat në importet e metalit turk, ndërsa thellohet tensioni mes dy aleatëve të NATO-s.

Të dy qeveritë kanë qenë në kundërshtim me një gamë të gjerë temash – nga interesat divergjente në Siri, në ambicien e Turqisë për të blerë sistemet mbrojtëse ruse, si dhe rastin e pastorit ungjillor Andrew Brunson, i cili është në gjyq në Turqi për akuzat për terrorizëm, transmeton portali arbresh.info.

“Ju kurrë nuk mund ta sillni këtë komb në linjë me gjuhën e kërcënimeve”, Erdogan u tha mbështetësve në qytetin turk të Unye.

“Edhe njëherë po u bëj thirrje atyre në Amerikë: Ëshë për keqardhje që keni zgjedhur një pastor mbi partnerin strategjik në NATO”, shtoi ai.

Pas gati 20 muajsh në një burg turk, Brunson u transferua në arrest shtëpiak në korrik nga një gjykatë. Që atëherë Trump dhe zëvendëspresidenti i tij Mike Pence kanë kërkuar vazhdimisht lirimin e tij ndërsa Ankaraja tha se vendimi i përkiste gjykatës.

Uashingtoni në përgjigje ka sanksionuar dy ministra turq dhe Trump njoftoi të dielën se ishte dyfishuar tarifat për importin e çelikut dhe aluminit nga Turqia, duke thënë se marrëdhëniet me Ankaranë nuk ishin “të mira në këtë kohë”.

Lira në rënie, e cila tashmë kishte humbur një të tretën e vlerës së saj këtë vit, kryesisht mbi shqetësimet rreth kontrollit më të madh të ekonomisë së Erdoganit, u rrëzua në një rekord të ri të ulët, duke humbur një herë 18 për qind, rënien më të madhe që nga viti 2001.

Erdogan të shtunën përsëriti një thirrje për turqit për të ndihmuar në mbështetjen e lirës për të fituar atë që ai përshkroi të ishte një “luftë e pavarësisë”./Arbresh.info/