Të paktën tre palestinezë, përfshirë një grua shtatzënë dhe fëmijën e saj 18 muajsh janë vrarë nga sulmet ajrore izraelit në Rripin e pushtuar të Gazës, sipas ministrisë palestineze të shëndetësisë.
Ushtria izraelite tha se nisi sulmet në orët e vona të së mërkurës, pasi rreth 150 raketa janë hedhur nga enklava bregdetare, duke lënduar të paktën gjashtë persona në Izrael, transmeton portali arbresh.info.
Ushtria izraelite paralajmëroi të enjten Hamasin kundër një përshkallëzimi të mëtejshëm të dhunës dhe mediat izraelite thanë se zyrtarët po shqyrtonin evakuimin e banorëve nga zonat afër kufirit me Gazën.
“Mënyra se si gjërat vazhdojnë të shpalosen është e rëndësishme. Hamasi do të kuptojë në orët e ardhshme, si në muajt e fundit, se kjo nuk është drejtimi që dëshiron të zgjedhë”, citohet të ketë thënë një zyrtar i lartë ushtarak.
Agjencia palestineze e lajmeve WAFA, duke cituar burime shëndetësore, raportoi që të paktë 12 palestinezë janë plagosur. Gjithashtu një anëtar i Hamasit është në mesin e viktimave.
Shkëmbimi i rëndë i zjarrit vjen, pas raportimeve që përpjekjet për një armëpushim janë duke bërë përparim./Arbresh.info/
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...