Kjo është gruaja që u vra mbrëmë nga burri në Gjakovë

10:51 | 8 Gusht 2018
Arbresh.info

40-vjeçarja nga Tropoja, Valbonë Marku Nrecaj, është gruaja që u vra mbrëmë nga ish-burri i saj, Pjetër Nrecaj. Viktima dhe i dyshuari kishin muaj që ishin ndarë, ndërsa kishin pesë fëmijë. Ngjarja ka ndodhur mbrëmë në fshatin Brekoc të Komunës së Gjakovës.

Mbrëmja e 7 korrikut ishte e kobshme për familjen Marku të Gjakovës. Atë natë atyre iu vra e bija Valbona, dhe vajza e saj 9 vjeçare nga ish-burri i saj, Pjetër Nrecaj.

Valbona ishte me prejardhje nga rrethi i Tropojës ndërsa kishte ardhur të jetonte në Gjakovë pas luftës. Ndonëse ishte e martuar me Pjetrin dhe kishin gjashtë fëmijë së bashku, dhuna që kishte ushtruar Nrecaj ndaj saj kishte bërë që ajo të shkonte të jetonte te shtëpia e familjes së saj.

Në korridorin e po kësaj shtëpie, kryefamiljari Pjetër Nrecaj dyshohet se me kallashnikov ka vrarë gruan dhe vajzën e tij për arsye ende të panjohura.

Valbonës kishte kohë që i vinin kërcënime nga ish-burri. Madje, për këtë rast ishte njoftuar edhe Policia dhe kishte hapur rast, por nuk kishin arritur të parandalojnë vrasjen.

Shpërndaje në rrjete sociale

Lajmet më të lexuara

Të ngjashme

Foto lajm